Mizo Thufung Ṭhenkhatte By Lalsangpuii (Spi)
07/20/2013 01:16
- Ṭam tawk apiang a tui.
- Ṭawngkam ṭha-in sial a man.
- Ṭhenawmte do ai chuan khaw sarih do a thlanawm zawk.
- Ṭhenawmte leh lo rite hi chhungkhat anga ngaih tur.
- A ṭha lam kawng a chho va, a chhe lam kawng a phei.
- A zawldawhtua ṭan hi hnehna a ni.
- Aia upa aiin thleng tlang an vuan hmasa ngai lo.
- Anchhia lawh ching suh, tuman an dang duh lova, mahni chungah a lo let leh ngai.
- Anka nem chu chi telh ang a ni.
- Arte pawh chhan leh vang awm lovin a thi ngai lo.
- Bei nge sei run dung an lo ti alawm.
- Chhuahvah nikhuain mi siamsa hlir an ring ngai lo.
- Damlai roluah dawng awm ngai suh.
- Duh loh nena khuangchawi ai chuan duh tak nena kum thum bahra laih zawn a thlanawm.
- Hmelchhiat a siam theih lova, nungchang erawh a siam theih.
- Inhnial nikhuain aia upate aiin ṭawng hnuhnungah an ṭang ngai lo.
- Kawi pawh a kawm a ṭhat chuan a rah a ṭha ṭhin.
- Kawng lakah chau an ṭanpui zel a ni ngai e.
- Khawchhe eng iar uar leh nau ṭap meng ker kur chuan ban zai an rel lo.
- Khawharna chu khuareiin a la hnem ngai e.
- Lal ngai lo lal a nâ, an lal a kha.
- Lampui changkhatah mi an be chhe ngai lo.
- Liandovate unauvin mim fangkhat an inphel zu nia.
- Lungpui pawh lungtein a kamki loh chuan amahin a awm thei lo.
- Mahni bul leh balte ngaih hi thil zahthlak a ni.
- Mahni chanchin a ṭha lam sawi a ṭul pawhin ‘Uangpui chang suh ila’ an ti hmasa ṭhin.
- Mahni infak leh sakhi ngalah engmah a bet lo.
- Mahni pian leh murna sawi chhe suh.
- Mi awkhrawl an hlawhtling rih thei, mahse an tlu phut ṭhin.
- Mi chanchin sawi dawnin an hawi vel phawt a ni ngai.
- Mi dawtin an puh ngai lo, vawih loh puh mah a na a nia.
- Mi fingin an fin man an ei seng lova, mi â-in an at man an chawi seng lo.
- Mi ina len dawnin thawm an nei hmasa ngai.
- Mi kawng dalin an awm ngai lo.
- Mi ran talh, ruk leh phil a thiang lo.
- Mi thusawi ngaithla ruin an awm ngai lo.
- Mihring hmelma chu mahni hi a ni.
- Mipa leh lawichal chu inrin reng a ngai.
- Mutchhuakin lal pawh a zah lo.
- Naupang hlim leh hmeichhe awmkhawm chu a tawpah an intivui chawk.
- Ninhleiin tawpeng a nei, a peng lehlam chu bai.
- Nu leh pa mawl biak suh, an hming pawh sawi nawmnah suh.
- Pal sawn chin hi mi duham nihna a ni.
- Pan lovah tho a fu ngai lo.
- Piang lo ngaia ṭah thu a awm ngai lo.
- Piangsual an nuihhsan ngai lo.
- Piansual leh pharcharin tlai luat a nei lo.
- Rannung nghaisak leh tihretheih a ṭha ngai lo.
- Se bo hnua se kawngkhar ang a ni.
- Sem sem dam dam ei bil thi thi an ti ṭhin.
- Sial rangin sial rang a hring a, sakawlin sakawl a hring.
- Sunhlu kungah thei dang a rah ngai lo.
- Tha ba leh saihlum a nget ngai lo.
- Thil hmingthang tidanglamtuten thlahlei an vei ngai love.
- Thingphur khat leh pasal pakhat hmuh zawh loh thu awm suh.
- Thusawi chawn leh ar pân chuk a pûn.
- Tlang zawng i bum ngai love.
- Tlawm makah Vanzema a thi.
- Tualthah a thiang lo, tuchhuan thlengin a lanna a awm ṭhin.
- Tui baw hnu a ruh leh theih tawh lova, ṭawng erawh a sut theih.
- Tuisik leh tha chu a pung lehzel ngai.
- Ui pui pawh a vah a vah chuan ek ṭhing a tawng nge nge.
- Uite leh naupang tak ngial pawh hian a tiṭhatu an hria an ti ngai zu nia.
- Unau thawnthu sawi mah a dang ngai e.
- Vanduai chuan dawhthlengah pawh a tlak hlum theih.
- Vawih loh puh tak ngial pawh a na.
- Vawkpui takngial pawhin a kuang a awm ṭhin.
- Zangkhua a la bungbu ngai e.
- Zawngin ama ngum khak a hmu lova, a ṭhiante ngum khak a nuihzat.
- Zing ruahsur leh khuala makpa thiin hnuleh a nei ṭhin.
Tags:
Sawi Ve La (Comment)
No comments found.
